تغطية معرض تأثر ويؤثر,,,, حماااااااااس

Admin عدد المساهمات : 23 تاريخ التسجيل : 01/08/2009

السلام عليكم ورحمة الله وبركاته

معرض الأسكتشات الأول التابع لمعرض تأثر ويؤثر
تحت رعاية معالي أمين محافظة جدة المهندس / عادل بن محمد فقيه....
جدة,, ردسي مول,, أمام أبل بيز,,

لمدة أسبوعين متواصلين,, يقدم المعرض ونخبة من الفنانين والموهوبين دورات مجانية لجميع الفئات العمرية,,, تتنوع الدورات بين رسم,, رسم كرتوني,, خط,, تصوير,,

يالله نتكلم بالعامي!!

رحت المعرض يوم الإثنين اللي فات,, وحضرنا دورة الرسم بالباستيل مع الفنانة أماني بادخن( كانت معانا في النادي القديم),, كانت الدورة ممتعة جداً جداً,, ووسخنا نفسنا جداً جداً...

بس اخواتي مارضيو لي انزل صور ( يداتهم وهي بترسم!!! مررة قهر)

المهم باقي الدورات حق الاسبوع اللي فات راحت علي
كان نفسي احضر دورة الرسم الكرتوني للفنان البريطاني غارث جونسن
بس راحت علي

وباقي دورات الأسبوع اللي جاي:

السبت 8/8/2009م
17/8/1430هـ
ورشة في مبادئ التصوير فوتو غرافي مع المصور المحترف عبدالرحمن الحسني والمصور المحترف سعود محجوب وفريق تصوير المعرض.
من بعد صلاة المغرب

الأحد 9/8/2009م
18/8/1430هـ تابع ورشة التصوير من بعد صلاة المغرب

الاثنين 10/8/2009م
19/8/1430هـ الرسم الحر من بعد صلاة المغرب

ويوم الثلاثاء التكريم ومدري ايه

نجي للمعرض,, طبعاً غير الدورات,, كان في رسم حر,, كانو الشباب والبنات ياخذو لهم لوحة فاضية وألوان ويرسمو,, تشوفو دلة القهوة والفناجين مرمية على الأرض وأشكالهم مرررة حماااس

اللي عجبني انو أشكال الأولاد كان زي دولا الكووول اللي تشوفوهم في الأسواق مالهم هدف,,
بس والله طلعو موهوبين,,,
في كان شوية _ او بالأصح_ شوية كولنة طالعة في الرسومات,, بس أنا بصرحاة عجبني الفن دا
لأنو مليااان ألوان وتحسوه معبر,, يعني مادري بس حلو

نجي للصور ( الصور مصغرة,, اضغطو عليها)

أول شي رح احط صور عامة للمعرض,, هنا أول جدار على اليمين

هنا جدار تاني,, طبعاً رح تلاحظو انو مافي تصنيف للصور,, يعني مو كل نوع من الرسم لوحده,, ودا الشي عامل حماس بصراحة,, ولخبطه

الصورة اللي تحت مرررة شاعرية,, رجال حاضن نونو,, غريبة لكن حلوة

( ياريتني اخذت صورة للوحة لوحده اللي تحت,, مشو حالكم)

جميلة الألوان

::::نبدأ بالرسمات::::
هنا الأولاد الكول فرحانين بنفسم!!

هنا مدري اش قصدهم,, يمكن التحول الجيني اللي حصل في الجنريشنز حقت الكولات

هذولا الأصحاب الكولات اللي كانو بيرسمو,, أشكالهم مرررة زي الرسمة

هذه مرح تصدقو,,, اللي راسمينها بنات,,,, ,, مدري يمكن البنات كمان يبغو يصيرو كولات

--
هنا نوع تاني,, هو اللي مررة عجبني,, شخصيات كرتونيه على عربية,, لخبطة,, تحسي انو من جد الجيل حقنا عند انفصام أوبالأصح متلازمة مين أنا؟؟!!

( الصورة مرررة كانت فووووق, ما قدرت اصورها زي الناس!!!)

برضو حلوة,, لخبطة في لخبطة

هذه الصورة,, راسمها واحد اسمه وليد,, للأسف ما شفته عشان اتأكد انو كول ولا لأ,, بس الصورة راااائعة,, احلى شي درجة الفوشي فيها,, الادمي لسه ما خلصها,, ان شاءالله لو رحت تاني اصورها لما يخلصها,, انا شفت بدايتها يوم الاثنين اللي فات,, ولما صورتها الجمعة كانت تحححححفه
ماشاءالله

للأسف,, الولد اللي قاعد قدامها ,, مارضي يشيل الجاكيت,, يقول مو حقه,, بس اخويا مسكه حش,, خلاه يندم انو ما وخر الجاكيت,,

طيب ,, نجي للأنواع التاني غير فن الكولات!!!!

انا ما احب الرسمات اللي زي دي,, مع انها حلوة,, بس ما تستهويني
ما حبيتك

ما حبيتك

مررة ما حبيتك

مافهمتك

جدو,, اللي في باب مكة

حلوة بس ,, تقليدية,,

...

طيب,, جزء من المعرض,, كان كفرات سيارات

بس مو بجنب نفس المعرض الرئيسي,, مقابله تقريباً,,,

وسلااااااامتكم

Admin عدد المساهمات : 23 تاريخ التسجيل : 01/08/2009

في صور تانية,,, احملها وارجع تاني هنا

WOOOW

اولا

ماشـــــــــــــــــــــاءالله تغطيــــــــــة اكتر من رائعة يابيبا

ثانيا

واااو المعرض فكرتــــه روووووعة

متى ينتهي؟

احتمال اقنع اخواني نروحو سوا

عن جد عجبني

بالذااات انه الرسوماااات منوعة

في شي على ستايل الانمي

وشي زي الكرتون العادي

وشي زي رسومات الكاركاتير

فكــــــــرة الكفرات الملووووووونة

قمــــــــة في الروووووووووعة

كان نفسي لو انك مصووووورة الشباب الي يرسمووو....هههههههههه

عن جد دوومو اريقــــــاتووووو ع التغطية

ههههههههههههههههههههههه
في كم صورة عارفة اصحابها
بيبا كان اخذتي الكتاب عشان تعرفي ايش موضوع كل حاجة ><
بس حماااس التغطية اللي سويتيها
كان صورتي البيضة الكبيرة كمان !!

بس اللي مافهمتيها لو ركزتي شوية مكتوب تأثر تؤثر بس على قرافيتي ^.^
والصورة اللي تقولي عليها تقليدية الاولى كان عمل المشتركين كلهم..مرة كان حماااس

اممم اا رضي اخوي بحط صور وهوا متصور مع واحد من المشتركين..اغلب امكن كل رسماتو رفعتيها يا اوكاسا ^^

رروووووووووووووعة ماشاء الله

من جد ابدعوو في الرسم

اللوحات كلها بدون استثناء مررة جيدة

بس اللي لفت نظري اكثر اللي هما آآال سعدوون>> آل شمشون بالسعودي

وتزيين الكفرات عجييب ماشاء الله على اللي رسموها من جد فن

بيبا مرة انبسطت بالموضوع

دمتِ مبتكرة ومحلقة في سماء الابداع

وااااااااااو

تسلمي بيبا على التغطية!

مره مره روعه!!

الكفرات فكره رائعه!!

شكلو المعرض كان حماسي!

» الحلقة الاولى من خواطر 5 تغطية كاملة ^^