خواطر 5 الحلقه 13

خواطر 5 ...........

الحلقه 13 ...........

عنوان الحلقه...................

الأكل في المدارس..................

الحلقه تبكي وتقهر....................

تحميل الحلقه 13 دوزو

العرب هم كذا..............الصراحه قهر...........

خلاص انا حاخذ الجنسيه اليابانيه عشان ماأسير من العرب............

أنا اليوم فاتتني بداية الحلقه، و جاري التحميل الآن

(الله يسعدك و يجزاكي خير)

انتي عارفه.. بماليزيا بالبوفيه العرب كذا و أخس!

في حرمتين كنا نسميهم (زومبي الخبز) الله يرفع عنهم ولا يبلانا

من يوم ما ينزلو يشيلو كل التوست اللي موجود (أكنو حيطير) ولا ياكلونو!!!!! (يشيلو كمية كيستين توست)

و لو تشوفي كيف العرب هناك يعبو صحونهم.. أكنهم ما شافو خير!!

و المشكلة انو بس العرب تشوفيهم كذا!! الأجانب غير!

و حزري ايش!!

مو بس فشله!

بالبوفيه (فندق هوليداي إن مدينة بينانغ) حاطين لوحه بس بالعربي:

قال الله تعالى:
(وكلوا و اشربوا و لا تسرفوا إن الله لا يحب المسرفين)

خواطر 5 الحلقه 13 850662

و مره كان في رجال و زوجتو و ولد صغير عمرو لا يتعدى السنتين

نزلو البوفيه..

و سارو يحطو أكل بكميات مهوله!! يكفي فطور و غدا و عشا و سناك!!!

و كاسات العصير بكميات مستحيل هم الاثنين يشربوها (و لا حتى الطفل اللي معاهم)

و كل اللي يشتغلو و الناس مفجوعين.. كيف حياكلو كل الأكل

و جابو بيض وأومليت كل الأنواع

فجأه!!

كان معاهم أكياس تحت الطاوله

طلعو منها مطبقيات (لا! و مقسمات من جوه بعد! !) و طلعو برادات (الثلاجه اللي تحفظ الشاهي و القهوه)

و بعدين على بالهم من تحت الطاوله محد يشوف قامو يفرغو الأكل و العصيرات و مشيو!!

ولا حتى أكلو بالبوفيه!!

( أنا ما كنت في! أختي و بابا اللي شافوهم!!)

والله عيــــــــــــــــــــــــــــــــــــب!!

خواطر 5 الحلقه 13 850662

جزاكي الله خير ع الرفع بيسوو...

~again~ حلقـــــــــــــــــة تبين الفرق الشاسع بيننا وبين اليابانيين.....او الاصح بيننا وبين العالم كله!!

الله يديـــــــــــم علينا النعمة يارب ولا يحرمنا بسبب اسرافنا!!

لو رجعنا بس 100 سنة ورى....الناس كانو بيتذابحو عشان الموية والاكل!!

ودحين لمن ربي من علينا الحمدلله....شوفو اش صرنا نسوي

استغفرالله ياربي....يعني هادا شكر النعمة؟؟!!

ريما..

انا حسيت نفسي تنشق الارض وتبلعني وما اشوف السعوديين دول والي سووه!!

لو فيهم ذرة حياء ماعملو الي عملوه؟؟

كأنهم مفاجيع الله لا يبلانا يارب!!

بعدين ما يعتبر سرقة دا؟؟...ولا عشان بوفيه مفتوح يعني يعملو الي يبغو؟؟

طالما تحبو الاكل لدي الدرجة ((المخزية)) اقعدو في بلدكم احسن وكلو كبسات ومفاطيح لمن تنفقعو بلا فشايل!!

هههههههههههههههههههههه حلللللوة يا آآبي

كثير اعرفهم يحبو ياخذو الرز والبهارات وقدر الكبسة معاهم كأنو رايحين لمجاعه

ولما استفسر يقولو لانو اولادنا وابوهم ما يحبو اكل بره

يعني الواحد لما يسافر الغرض انو يجرب الاكل تبع المنطقة ويغير جو واماكن واكل مو جايب معاه قرابيعه تقولين خايف الجوع لا ياكله
خواطر 5 الحلقه 13 557876

ريما عندك كمان

الـfree refill

مو بس البوفيه الكامل تشوفي العجب

سواء مشروبات او سلطات

يجيني قرف في فدركرز لما ادور طاولة والاقي السلطات مليانه في الصحون ومكبوبة عالطاولة

كانهم بيملو الصحن مو عشان ياكلو بس شفاحه الله لا يبلانا

المواقف اللي ذكرتيها مرررره تفشل

خواطر 5 الحلقه 13 973631

الله يهديهم يطلعو فكرة سيئة عن السعوديين والعرب

يعني اذا احنا ما مثلنا ديننا في الاماكن اللي نسافر لها

مايحتاج نمثل عادات قبيحه فردية وتؤخذ على انها عادات شعب بكامله

ههههههههه قاعده اتخيل شكل الثنائي الزومبي استغفر الله

الله يقطع ابليسك

الحلقة مرة حلوة

ياليت وقت الفسحه يكونو الطلاب منظمين

واحد يلقي عليهم ادعية قبل وبعد الاكل

وايضا المعلم يشرف عليهم ويعلمهم الاتيكيت والسنن النبوية تبع الاكل

هذا غير عن التعاون بين الطلاب وقت الفطور

الحلقة روعه

تسلمي بيسوو

اريجانو بيسوو

والله لا تعليق ما ازيد على كلامكم

اللهم اعز الاسلام باليابـان

» خواطر 5 الحلقه 11
» خواطر 5 الحلقه الخامسه ^_^
» خواطر 5 الحلقه السادسه.........شغل نظيف ^_^
» الحلقه الثانيه من خواطر 5 ( كيدزينا)
» خواطر 5 الحلقه السابعه ^_^ حمام مختلف